Bombardimet nga pala ruse vijojnë në Kharkiv, ku luftimet raportohet se kanë qenë nga më të përgjakshmet, me dhjetëra civilë që kanë humbur jetën.
Sipas mediave ukrainase, rusët kanë goditur këtë të Mërkurë ndërtesën e Këshillit Bashkiak të Kharkivit me një raketë.
Pak më parë, ushtrua ruse shkatërroi ndërtesën e Fakultetit Ekonomik të Universitetit “Karazin”.
Media ukrainase raportojnë edhe mbi zhvillimet kryesore të luftës në Kharkiv:
Më 28 shkurt, trupat ruse bombarduan Kharkivin nga Gradovi, duke shkaktuar humbje jete dhe të plagosur.
Më 1 mars, u bombardua qendra e Kharkiv. Një shpërthim i madh u shënua në “Sheshin e Lirisë” pranë ndërtesës së Administratës Shtetërore Rajonale, ndërsa një raketa e dytë goditi ndërtesën e administratës shtetërore rajonale. Si pasojë e këtij sulmi, 7 persona u vranë dhe 24 të tjerë u plagosën, mes tyre një fëmijë.
Gjithashtu, predha ruse goditën spitalin e qytetit dhe një fabrikë në Kharkiv. Pati viktima dhe të plagosur.
Më 28 shkurt, presidenti i Rusisë Vladimir Putin, dërgoi një bombardues strategjik për të sulmuar civilët në Kharkiv, i cili hodhi 16 raketa në drejtim të qytetit më 1 Mars.
Luftimet me trupat ruse u zhvilluan edhe pranë spitalit ushtarak të Kharkivit më 1 Mars.
