Në seancën e sotme gjyqësore në ngarkim të tyre, Emiljano Shullazi dhe të akuzuar të tjerë si pjesëtarë të grupit kriminal të drejtuar prej tij kërkuan që të paraqitet dëshmitari, biznesmeni Ylvi Beqaj, i cili ka akuzuar grupin e arrestuar për gjobëvënie.
Sot kërkesa e tyre është e përsëritur. Por javën e kaluar seanca e përballjes së Shullazit me Beqajn dështoi, pasi gjykata nuk ishte në gjendje të garantonte sigurinë e bashkëpunëtorit të drejtësisë.
Edhe në seancën e sotme avokatët e Shullazit kanë kërkuar që të paraqitet dëshmitari, biznesmeni Beqaj dhe t’u krijohet mundësia të komunikojnë me klientët e tyre pa kafazin. Si dhe ta shohin në sy Beqajn kur ai të japë dëshminë e tij.
