Zëvendëskryetari i Këshillit të Sigurimit të Rusisë, Dmitry Medvedev, ka paralajmëruar politikanët perëndimorë se duhet të jenë më të kujdesshëm në përdorimin e fjalës “luftë” sa herë që flasin për Rusinë, përfshirë çështjet ekonomike, raporton media ruse “Interfax”.
“Një ministër francez tha sot se ata kishin bërë një luftë ekonomike kundër nesh. Kini parasysh fjalimin tuaj, ministra! Mos harroni se luftërat ekonomike shpesh janë shndërruar në të vërteta në historinë e njerëzimit,” shkroi Medvedev në Twitter.
Më herët gjatë ditës, ministri francez i Financave, Bruno Le Maire, tha për radion “France Info” se ,“ne do krijojmë luftë ekonomike dhe financiare kundër Rusisë”, për shkak të pushtimit të Ukrainës.
