Ish-kryeministri Sali Berisha është shprehur se Shqipëria ka mundësi që të ndihmojë Ukrainën që e cilësoi viktimë të agresionit rus.
Gjatë një takimi në Durrës, Berisha tha se ndjen keqardhje për qeverinë shqiptare që nuk ka dhënë asnjë ndihmë për Ukrainën, ndërsa shtoi se Rusia është armik i vendit tonë dhe çdo vendi tjetër që është ilirë.
“Shpreh keqardhjen time që qeverisa shqiptare mund të jetë ndër më të pakta për të mos thënë e vetmja që gjer në këtë moment nuk ka dhënë asnjë lloj ndihme material konkrete përveç qëndrimeve politike të përputhura plotësisht me SHBA dhe NATO-s. Është hezitim i bazuar në deklaratat që bëri Edi Rama, sipas të cilit Rusia nuk është armiku ynë. Rusia është një armik i yni dhe çdo vendi tjetër të lirë. Duke mos e konsideruar një armik tonin ne nuk marrim anë, ne marrim anë plotësisht në krahun e kombit ukrainas që është viktimë e një agresioni barbar”, tha ish-kryeministri.
Ai tha se kërkesat që bëri para disa javësh në parlament u pritën me reagime të turpshme.
“Kjo është arsyeja pse nuk janë dërguar dhe nëse ju kujtohet, kërkesat e mia të përjavshme në parlament janë pritur me ilaritet dhe reagime të turpshme nga disa përfaqësues të Edi Ramës në parlament. Kjo është arsyeja që nuk janë dërguar armë. Shqipëria ka mundësitë e veta për të ndihmuar këtë komb për të përballuar këtë agresionin rus”, deklaroi Berisha.
