Lufta në Ukrainë vijon në ditën e katërt, këtë të Diel.
Më poshtë, po raportojmë një përditësim lidhur me zhvillimet e fundit në Ukrainë:
Ka pasur shumë sulme ajrore në Ukrainë. Zyrtarët thonë se raketat balistike ruse janë lëshuar nga vende në Bjellorusinë fqinje.
Për herë të parë që nga pushtimi i Rusisë, u dëgjuan paralajmërime për sulm ajror në qytetin lindor të Dnipro.
Sirenat kanë rënë edhe në kryeqytetin ukrainas, Kiev.
Pas katër ditësh nënvlerësimi të humbjeve të saj, Rusia tanimë ka pranuar se ushtarët e saj janë vrarë në luftime, por ajo refuzoi të japë ndonjë numër. Një zyrtar tha vetëm se shifra ishte “më e ulët se ajo e nacionalistëve të shfarosur”.
Më herët, Presidenti Vladimir Putin tha se ka urdhëruar ushtrinë ruse të vendosë forcat e saj bërthamore në “gadishmëri speciale” – niveli më i lartë i gatishmërisë, në përgjigje të asaj që ai e përshkroi si “agresion” të NATO-s.
Lëvizja është dënuar gjerësisht, me SHBA-të që e quajtën atë “krejtësisht të papranueshme”, dhe shefi i NATO-s që e përshkroi si “të rrezikshëm” dhe “të papërgjegjshëm”.
Delegacionet ukrainase dhe ruse priten të takohen nesër në kufirin me Bjellorusinë për bisedime, sipas presidentit të Ukrainës Volodymyr Zelensky.
Forcat ukrainase thanë se kanë zmbrapsur një sulm rus në qytetin e dytë më të rëndësishëm të vendit, Kharkiv.
Sipas shifrave të fundit të OKB-së, numri i njerëzve që ikin nga Ukraina ka arritur në 368,000.
Vendet evropiane po vazhdojnë të ndërmarrin veprime kundër Rusisë, me shumë prej tyre që kanë mbyllur hapësirën ajrore për fluturimet ruse në orët e fundit.
