Gjashtë persona janë arrestuar në flagrancë nga policia e Durrësit sot, pasi u kapën me lëndë narkotike.Në pranga janë vënë, Ylli I. Tema, 33 vjeç, banues në Larushk, Fushë-Krujë; Artur I. Tema 27 vjeç, banues në Larushk; Gëzim Tema 37 vjeç, banues në Greps; Indrit Kapllani 31 vjeç, banues në Tapizë, Gani Rama 47 vjeç, banues në Mafsheq; Edmond Matja 37 vjeç, banues në Fushë-Krujë.
Arrestimi i tyre u bë pasi, në fshatin Greps, Nikël, Fushë-Krujë, gjatë kontrollit të ushtruar në banesën e Gëzim Temës, ku të pranishëm ishin edhe personat e tjerë të arrestuar, u kapën duke paketuar një sasi lënde narkotike, me qëllim për ta shitur në qytetin e Fushë-Krujës. Policia sekuestroi rreth 20 kg lëndë narkotike e dyshuar e llojit kanabis sativa, një mjet tip “BMW” me targa AA 303 KZ; një mjet tip “Audi” me targa AA 949 LE dhe 12 aparate telefoni celularë.
Sipas burimeve nga policia të arrestuarit janë persona me precedentë penale të mëparshëm në fushën e lëndëve narkotike dhe armëmbajtje pa leje. Lidhur me rastin materialet i kaluan Prokurorisë së Rrethit Gjyqësor Krujë për veprime të mëtejshme për veprën penale “Prodhimi dhe shitja e narkotikëve”, në bashkëpunim.
