Lorik Cana, që kur është bërë baba, poston vazhdimisht foto me djalin.
Edhe pse nuk e shfaq kurrë me fytyrë, ne tashmë kemi parë shumë foto të Boikenit në pushime, në pishina, në makinë apo në shtëpi.
Ndryshe ndodh me bashkëshorten, Monica-n, që edhe pse duhet të jetë autorja e shumë prej fotove të futbollistit dhe kopjes së tij të vogël, Boikenit, para kamerës del shumë rrallë, por në foton e fundit të Lorik Canës, më në fund, e shohim edhe arkitekten italiane që i rrëmbeu zemrën ish-kapitenit, vite më parë.
Ka një pamje të përsosur, si në të gjitha ato herë kur është shfaqur. Ndoshta kjo është arsyeja pse Monica, shfaqet rrallë. O bukur, o hiç fare. Një grim i kujdesshëm që i ka vënë në pah tiparet, flokët e kapur në një bisht të përkryer, një dekolte sensuale dhe chokers-a që i japin pamjes së saj një theks modern.
Monica ka goditur sërish në shenjë me pamjen e saj. E shihni apo nuk e shihni për ca kohë, është e sigurt që në mendje do vazhdoni të kini imazhin e saj tërheqës dhe të rikonfirmoni, që edhe ish-kapiteni ynë, si shumë futbollistë, ka për bashkëshorte një grua të bukur e të kuruar.
