Gjermania dhe Holanda kanë njoftuar dërgesat e armëve në Ukrainë sot. Edhe Franca është zotuar të japë më shumë ndihmë ushtarake.
Zyra e Presidentit Macron thotë se vendi do të dërgojë armë dhe karburant, raporton Reuters.
Ai shton se do të ndërmarrë gjithashtu veprime kundër “mediave ruse dhe influencuesve” që përhapin dezinformata rreth konfliktit.
Presidenti i Këshillit të BE-së, Charles Michel, tha në Twitter se 27 vendet anëtare të BE-së do të “lehtësojnë dërgimin e ndihmës ushtarake nga BE në Ukrainë”.
Ai nuk dha detaje të tjera, por ministrat e jashtëm të BE-së do të takohen nesër për të diskutuar një paketë të re për forcat e armatosura ukrainase.
