Eurodeputeti Riho Terras, ish-ministër i Nbrojtjes së Estonisë, përmes një postimi në rrjetet sociale, shkruan se ka informacione nga inteligjenca se Vladimir Putin kishte mbajtur një takim sekret me gjeneralët dhe oligarkët rusë dhe ishte shfaqur i tërbuar.
Ai shkruan se Vladimir Putin është tërbuar, pasi mendonte se e gjithë lufta do të përfundonte shpejt, brenda një deri në katër ditë, dhe ai do të fitonte pa pengesa.
“Rusët nuk kishin plan taktik. Lufta kushton miliona dollarë në ditë. Raketa ka një maksimum prej 3.4 ditësh, ndaj duhen përdorur me masë.
Atyre u mungojnë armët, fabrikat nuk mund të përmbushin fizikisht porositë për armë. Pushkët dhe municionet janë maksimumi që mund të ofrojnë.
Nëse Ukraina arrin të mbajë rusët për 10 ditë, atëherë rusët do të duhet të negociojnë. Sepse nuk kanë para, armë apo burime. Por ata janë indiferentë ndaj sanksioneve”, shkruan Terras.
Në vijim ai shkruan se anëtarët e Operacioneve Speciale kanë qenë pranë Kievit që nga 18 shkurti.
“Qëllimi ishte pushtimi i Kievit dhe vendosja e një regjimi kukull.
Ata po përgatisin provokime kundër civilëve të pafajshëm për të shkaktuar panik. Ky është statuti i tyre.
I gjithë plani i Rusisë mbështetet në panik, që civilët dhe ushtarët të dorëzohen dhe presidenti Vladimir Zelensky të ikë”, shkruan ai.
