Manchester United zhgënjen përsëri në kampionat. Cristiano Ronaldo me shokë nuk kanë shkuar më larg se një barazim pa gola në shtëpi kundër Ëatford-it, në javën e 27-të të Premier League.
Një rezultat ky që i lë Djajtë e Kuq në vendin e katërt me 47 pikë, por rivalët e tyre për një vend në zonën Champions janë shumë afër dhe kanë ndeshje për të rikuperuar.
Momenti më emocionues i ndeshjeve të kampionatit anglez të luajtura në orën 16 ka qenë kthimi në fushë i Christian Eriksen. Danezi ka bërë debutimin e tij me Brentford-in dhe është kthyer të luajë pas arrestit kardiak të pësuar në Euro 2020. Në momentin e futjes së tij në fushë, të gjithë të pranishmit në stadium janë ngritur në këmbë dhe kanë duartrokitur.
Fatkeqësisht për ekipin e Eriksen, Newcastle e ka fituar ndeshjen me rezultatin 2-0 falë golave të Joelinton (33′) dhe Wilock (44′). Një fitore e mundësuar edhe nga kartoni i kuq i marrë nga Dasilva për një ndërhyrje të rrezikshme, që e ka lënë Brentford-in me 10 lojtarë që në minutën e 11-të.
