Vladimir Putin njoftoi të enten nisjen e një ndërhyrjeje ushtarake në Donbass. Kjo luftë e re u justifikua me konceptete e demilitarizimit dhe denazistifikimit të Ukrahinës, që kanë si qëllim për të “mbrojtur banorët” e rajonit Donabasit.
Për këtë qëllim ushtria ruse ndërmori një ofensivë të madhe në infrastrukturën ushtarake ukrainase: aeroportet, postet komanduese, bazat operative detare, stacionet e radarëve dhe sistemet e mbrojtjes kundërajrore u vunë në shënjestër. Gjithsej 83 instalime ushtarake në Kiev u shkatërruan në ditën e parë të sulmit.
Në të njëjtën kohë, milicitë paramilitare të republikave rusofone të Luganskut dhe Donjeckut filluan një “kundërofensivë” në pozicionet ukrainase me mbështetjen e ushtrisë ruse.
I gjithë ky aksion ushtarak u dënua njëzëri nga bota perendimore, por pyetja është se si e përligj atë Moska, para aponionit të saj dhe atij ndërkombëtar?
Pikërishtë për këtë arsye Lapsi.al ka vëzhguar ato media që në perëndim përfaqësojnë politikën e Kremlinit si “Sputnik” dhe “Russia Today”.
Alibia e tyre kryesore është se qenë vendet e perëndimit, kryesisht Franca dhe Gjermania, ato që e shtynë Putinin të zbatonte planin e tij B, pasi kuptoi se nuk do të ushtrohej presion mbi Kievin për të mos ushtruar gjendocid me teritorret rusofone të Donbaskut.
Këto kohë kemi pasur situata totalisht groteske, si gjatë konferencës për shtyp në Kiev me Volodymyr Zelensky, ku Emmanuel Macron shprehu mbështetjen e tij për luftëtarët ukrainas që ishin në front që nga viti 2014. Mendoj se atje, Vladimir Putin e kuptoi që kurrë as Parisi dhe as Berlini nuk do të ushtronin presion mbi Ukrainën për të zbatuar marrëveshjet e Minskut.
Ndërsa Kievi filloi përsëri të bombardonte të gjithë vijën e frontit në Donbass, rusët vendosën të shkonin në planin B”, komentoi për Sputnik, Xavier Moreau, themeluesi i qendrës së analizës politiko-strategjike Stratpol.
Sipas Moskës qeveria ukrahinese nuk zbaton marrëveshjen e armëpushimit që u nënshkrua në Minsk të Biellorusisë në shtator 2014 mes Kievit dhe dy republikave të tij sepsratiste Doneskur dhe Luganskit. Aty parashikohej se duhet të kishte një shkëmbim të të burgosurve, një amnisti, një ndryshim në Kushtetutën e Ukrainës për ti dhënë autonominë zonës rusofone të Donbasit, zgjedhjet lokale dhe vetëm pasi të përmbusheshin këto pika do kishte kthimin e Ukrainës në kufijtë e saj të mëparshëm.
Sipas mjeteve të propagandës ruse mungesa e insistimit të kancelarit gjerman Scholz dhe të presidentit francez Macron e detyruan Moskën të ndërhynte ushtarakisht në mënyrë që të shkatërronte ushtrinë ukrahinase që NATO e ka furnizuar me armatime moderne për të shtypur popullsinë rusofone. Mediat e putinit pretendojnë se sulmet janë vetëm ndaj objekteve ushtarake dhe jo kundër civilëve por se nga ana tjëtër ato po bëhen që kjo ushtri që po ushtron genocid në Donbas të dobësohet.
“Sipas meje, sigurisht që përgjegjësia është e qeverisë ukrainase. Kur Zelensky u zgjodh President, ai mbërriti në një program pajtimi me Rusinë dhe pajtimi me rusishtfolësit. Ai bëri pikërisht si paraardhësi i tij Poroshenko, i cili gjithashtu mbërriti me një program pajtimi në vitin 2014. Ppor në të kundërt, ai zbatoi një program të përndjekjes së gjuhës ruse, përndjekjes së rusëve, duke ngritur në piedestal të ashtuquajturit heronj të Luftës së Dytë Botërore që ishin bashkëpunëtorë të nazistëve, si Stepan Bandera apo Roman Shukhevych. Ai mori vendime në të kundërtën e asaj për të cilën u zgjodh.
Pavarësisht gjithçkaje, nëse Franca dhe Gjermania do të kishin bërë punën e tyre, domethënë do të kishin bërë presion mbi Kievin për zbatimin e marrëveshjeve të Minskut, nuk do të kishte alternativë tjetër për për qeverinë ukrainase. Edhe më radikalët e rrethit të Zelenskit duhet të kishin dorëzuar dhe zbatuar përfundimisht marrëveshjet e Minskut. Kështu që unë mendoj se përgjegjësia nuk është vetëm e njërës palë” për Sputnik, Xavier Moreau, themeluesi i qendrës së analizës politiko-strategjike Stratpol.
Pra, versioni zyrtar i mediave të Kremlinit është se fajtorët që e deturuan Putinin për një zgjidhje të armatosur duhen kërkuar në aksin, Kiev- perëndim. /Lapsi/
