Kryeministri Edi Rama tha se Shqipëria nuk ka asnjë rrezik nga konflikti Rusi-Ukrainë, pas pushtimit të kësaj të fundit nga trupat ushtarake ruse.
Rama foli për mbështetjen e madhe që Shqipëria ka nga SHBA, si dhe partneriteti strategjik që ka mes dy vendeve, bazuar edhe mbi një dokument të nënshkruar.
Rama tha se në Shqipëri ndodhet komanda e trupave speciale amerikane në Europë dhe kjo do të thotë shumë. Përveç kësaj Kryeministri përmendi edhe faktin se Shqipëria është edhe anëtar i NATO-s dhe si e tillë ka mbrojtjen e trupave të Aleancës në çdo kohë.
.
Kryeministri tha se nga ora në orë mund të përballemi me situata ku largqoftë Presidenti ukrainas mund të gjendet i vrarë, i marrë peng apo në Ukrainë të vendoset një Qeveri kukull dhe të ndryshojë të gjithë rrjedhën e jetës në atë vend.
