Gjykata e Tiranës dënon me 20 vite burg Klajdi Shundin, i akuzuar për vrasjen e kunatit të tij. Prokuroria kishte kërkuar 30 vite burg në pretencë.
Sipas akuzës, 34-vjeçari e vrau kunatin e tij, Vladimir Zvezhda, për shkaqe familjare. Shundi qëlloi për vdekje me thikë kunatin e tij, me të cilin po festonte ndërrimin e viteve. Gjatë daljeve para Gjykatës, Shundi ka pretenduar se nuk mbante mend asnjë gjë nga ngjarja, ndërsa ka treguar se me viktimën ka pasur marrëdhënie të mira.
Vrasja ndodhi rreth orës 03:45 të mëngjesit të 1 janarit në rrugën “5 Maji”, pas një konflikti të çastit, për motive të dobëta, ku Shundi, në gjendje të dehur, goditi me thikë në qafë kunatin e tij 42- vjeçar.
