Një 54-vjeçar shqiptar, banues në Rimini (Itali) është arrestuar për plagosje të trefishtë. Ngjarja ka ndodhur brenda pak orësh, ndërsa mediat italiane raportojnë se i arrestuari, dyshohet se ka ndërmarrë aktin e rëndë për shkak të xhelozisë.
Fillimisht shqiptari ka ushtruar dhunë dhe ka plagosur me thikë ish-bashkëshorten, ngjarje e ndodhur në Marciano di Romagna.
Më pas shqiptari ka shkuar për në Rimini, atje ku ka gjetur një bashkatdhetar të tij, 47-vjeç, të cilin gjithashtu e ka rrahur dhe e ka plagosur me thikë ku ka rrahur dhe plagosur me thikë. Shkaku sipas mediave italiane, ishte se autori dyshonte se 47-vjeçari, me origjinë nga Shqipëria, kishte një lidhje me ish-bashkëshorten.
Gjatë sherrit ka ndërhyrë edhe një person tjetër, i cili po ashtu ka marrë plagë me thikë. Nga raportimet mësohet se 47-vjeçari ka marrë plagë të rënda, në rrezik për jetën, ndërda autori është arrestuar.
Ai e përndiqte ish-bashkëshorten e tij që prej tetorit 2020 duke e kërcënuar dhe sulmuar disa herë. Për shkak të situatës së krijuar ajo ishte kthyer disa muaj në Shqipëri dhe duke menduar se ish-bashkëshorti ishte qetësuar, u rikthye në Itali disa muaj më vonë.
