Ish-banori i Big Brother 6, Anaid Kaloti, i cili u shpall dhe fitues i atij edicioni, ishte ai që i bëri surprizën Donaldit me parashutën me ‘Spiderman’ dhe me thënien e famshme “Dashuria nuk është një sekret”. Ky ka qenë dhe një nga momentet më të vështira të Trixës në shtëpi, pas kësaj surprize që Donaldit iu dedikua për lidhjen e tij me Borën, në ditëlindjen e Borës.
Mirëpo, mesa duket diçka ka ndodhur mes Anaidit dhe Donaldit pas daljes së këtij të fundit nga shtëpia. Donaldi i ka bërë “unfollow” në Instagram Anaidit dhe nuk është kuptuar ende arsyeja përse.
Pas lajmit që Trixa është ndarë me Donaldin, Anaidi ka dalë pro këngëtares dhe e ka konsideruar Donaldin si mashkull pa shtyllë kurrizore.
“Kur unë flisja të vërtetën, ju që jeni mësuar të gënjeni veten më hidheshit kundra. Më vjen mirë që Beatrix nuk ngjan me disa nga ju! Ne Shqipëri gjen pafund meshkuj pa shtyllë kurrizore, që gjithmonë shënjestrojnë një femër dhe i vënë gishtin në plagë, që t`i tregojnë shokëve çfarë ngjyre ka gjaku. Ca të përhumbur, ca të tjerë të përkulur…. Qytetarinë nuk e blen dot lirë, për sa kohë në pazar shiten vetëm produkte fshati!”- shkruan Anaidi.
