Ish-konkurrentja e American’s Got Talent, Jane ‘Nightbirde’ Marczewski, ka vdekur në moshën 31-vjeçare, 6 muaj pasi beteja e saj me kancerin e bëri atë të tërhiqej nga konkursi.
Këngëtarja me emrin skenik Nightbirde, ndërroi jetë të dielën pas muajsh trajtimi pasi sëmundja ishte përhapur në mushkëri dhe mëlçi.
Marczewski mahniti gjyqtarët e “AGT” vitin e kaluar me një këngë origjinale të quajtur “It’s OK” për audicionin e saj, gjatë së cilës ajo zbuloi se po luftonte kancerin dhe se ai ishte përhapur në mushkëri dhe mëlçi. Këngëtarja u tërhoq nga shfaqja në gusht, për shkak të gjendjes së rënduar shëndetësore.
