Dy persona janë plagosur pas një konflikti me armë zjarri në orët e para të mëngjesit në Mamurras. Të plagosur kanë mbetur Gentian Diva dhe Andi Skonja, ndërsa është arrestuar Andi Diva dhe është shpallur në kërkim Kastriot Leshaj.
Sipas policisë, rreth orës 01:45, pas një konflikti shtetasit Andi Diva, dhe Kastriot Leshaj, është qëlluar me armë zjarri në drejtim të automjetit tip ” Honday” duke plagosur shtetasit: Andi Skonja, 39 vjeç, banues në Durrës, Gentian Diva, 40 vjeç, banues në Fushë-Mamurras, të cilët janë transportuar në spitalin e Traumës Tiranë dhe ndodhën nën kujdesin mjekësor.
Shërbimet e Policisë menjëherë kanë shkuar në vendngjarje dhe kanë berë identifikimin e autorëve dhe arrestimin e njërit prej tyre.
Specialistët e Hetimit të Krimit, benë arrestimin në flagrancë te shtetasit: Andi Diva, 19 vjeç, banues në Mamurras, si dhe u bë shpallja në kërkim dhe vijojnë kontrollet për kapjen e shtetasit Kastriot Lleshaj, 50 vjeç, banues në Mamurras.
Gjatë kontrollit të banesës të ushtruar në banesën e autorit të arrestuar shtetasit Andi Diva, shërbimet e Policisë gjetën dhe sekuestruan një armë zjarri pushkë, me krehër dhe 20 fishekë.
Grupi hetimor punon për sqarimin e plotë të shkakut dhe rrethanave të ngjarjes, shtuan të njëjtat burime.
