Pas deklaratës se Yuri Kim e cila i drejtoi disa pyetje voturesve të 6 marsit, ka reaguar eurodeputetja Doris Pack, e cila e ka cilësuar një deklaratë jo demokratike.
“Nuk ka asnjë ambasador në asnjë vend demokratik që sillet si ju. Tani po ndërhyni vazhdimisht në punët e brendshme të #Shqipërisë! Nuk i bëni nder vendit tuaj #SHBA. Më vjen turp për ty.”, shkruan Pack.
Kujtojme se me herët Kim tha:
Nëse sponsori juaj kryesor është dikush i caktuar nga SHBA për korrupsion të konsiderueshëm, çfarë saktësisht po u premtoni votuesve? Kush do t’ju zotërojë nëse fitoni dhe çfarë do t’i detyroheni atyre? Çfarë duhet të presin shqiptarët? Çfarë duhet të presin SHBA?
Por pas kësaj deklarate Kim iu desh sërish të reagoj për të bërë një sqarim të dytë, pasi mori reagime të shumta.
Ambasadorja amerikane Yuri Kim ka sjellë në vëmendje se Shtetet e Bashkuara të Amerikës kanë sanksionuar publikisht katër persona në Shqipëri.
Ky sqarim i diplomates vjen pas deklaratës së saj pak më herët sot, ku iu drejtua kandidatëve të 6 marsit se çfarë i ofrojnë votuesve nëse sponsori i tyre kryesor është shpallur “non grata” nga SHBA.
Kim në një postim në Twitter, kujton se janë 4 persona të sanksionuar sipas Nenit 7031(c).
