Një rast i rëndë vjen nga Indonezia ku është gjetur trupi i një burri që përfundoi në gojën e një krokodili 13 metra.
Mirror.co.uk shkruan se Luther, 51 vjeç, u tërhoq zvarrë nën ujë nga krokodili të martën e kaluar, ndërsa miqtë e tij të pafuqishëm u përpoqën ta trembnin atë.
Ai kishte qenë duke u larë në ujë kur krokodili u vërsul mbi të duke i marrë edhe jetën.
Luther luftoi dhe e goditi në kokë krokodilin, por ky i fundit refuzoi ta linte të ikte.
Thuhet se Luther u pa për herë të fundit nga një vendas, i cili ishte në gjendje të regjistronte incidentin më 16 shkurt përgjatë të njëjtit lumë, ndërsa krokodili ushqehej me të dhe u zhduk përsëri.
Nuk ishte hera e parë që një burrë sulmohej nga një krokodil në zonë.
Vetëm pak muaj më parë në dhjetor, 30-vjeçari Zainal Abidin u zhduk pasi u kafshua nga një krokodil.
