Skandali me rrjedhjen e 30 mijë llogarive bankare në një nga bankat më të mëdha të Zvicrës ka nxjerrë në dritë detaje të reja. Banka Zvicerane ka pasur lidhje me mafian e Ndraghtës italiane ku janë depozituar të ardhura të mëdha nga pasuria e vetë mafias.
Kështu sipas të dhënave të dala nga skandali i rrjedhjes së llogarive bankare, sipërmarrësi italian Antonio Velardo dhe ish-pjesëtari i organizatës IRA Henry “Harry” Fitzsimons ndërtuan një skemë mashtrimi në shitjen e apartamenteve në Kalabri, që në fakt nuk u ndërtuan kurrë. Të dhënat bankare të zbuluara së fundmi tregojnë se Velardo kishte fshehur disa nga të ardhurat e tij në Credit Suisse. Pasi Antonio Velardo dhe Harry Fitzsimons shitën qindra apartamente, hetuesit italianë kapën Velardon pasi zhvilluesi i kompleksit ishte i lidhur me mafien. Velardo, kishte të paktën gjashtë llogari në Credit Suisse. Ai u akuzua për pastrim parash për llogari të mafias, por u shpall i pafajshëm. Një avokat i viktimave të mashtrimit me skemën e apartamenteve tregon se njerëzit humbën miliona në apartamente që nuk u ndërtuan kurrë, shkruan occrp.
Velardo, i cili ishte kthyer në Zvicër për të ruajtur ekuivalentin e disa milionë dollarëve, kishte arsye për t’u shqetësuar. Si pjesë e një hetimi të policisë italiane të koduar Operacioni Metropolis që kishte nisur vitin e kaluar, ai po ndiqej nga hetuesit që besonin se ai po pastronte paratë për llogari të ‘Ndranghetas’, një nga grupet më të mëdha kriminale në botë. Duke u mbështetur në të dhënat e llogarisë bankare të rrjedhura nga gjiganti bankar zviceran Credit Suisse, si dhe nga burime ligjore italiane dhe burime të tjera të brendshme, gazetarët zbuluan detaje shtesë rreth Velardo dhe sipërmarrjes së tij italiane të pasurive të paluajtshme me partnerin e tij, “Harry” Fitzsimons.
Investitorët humbën miliona në projektin e pasurive të paluajtshme, por kurrë nuk e kuptuan ku shkuan shumë prej parave. Disa nga paratë e Velardos mund të gjurmohen në Credit Suisse, ku ai mbante llogari sekrete. Disa prej tyre kanë mbetur përtej mundësive të autoriteteve italiane, edhe pasi policia kapi kompleksin e apartamenteve në bregdet, në të cilin Velardo dhe Fitzsimons ishin lojtarët kryesorë, në të cilat pastronin paratë e drogës. “Bankat zvicerane janë kyçe për “Ndrangheta”, tha një nga prokurorët kryesorë antimafias të Reggio Calabria.
“Klanet mund të sjellin para në kasaforta atje dhe ne nuk do ta dinim kurrë. Ajo ka ndodhur që nga vitet 1980. Tani kjo ndodh në mënyra më të sofistikuara, me transaksionet e aksioneve financiare nga e gjithë bota”. Por koncepti mbetet i njëjtë.” I liruar nga pastrimi i parave dhe lidhjet me mafian në vitin 2016, Velardo e ka rikrijuar veten si një investitor i pasurive të paluajtshme dhe ekspert i mundshëm i Bitcoin në Amerikën Latine dhe Karaibe, duke u mburrur se ka një “diplomë master në monedhën dixhitale”.
