Një kamion me drogë është kapur në Portin e Durrësit dhe destinacion kishte qytetin e Ankonas në Itali. Sipas informacioneve të policisë droga u zbulua nga skaneri dhe ishte fshehur mes arkave plastike.
Ende nuk dihet sasia e drogës, ndërkohë mësohet se makina ku ishte fshehur lënda narkotike i përkiste një firme në Tiranë.
Policia sqaron se: Goditet një tjetër tentative e trafikut ndërkombetar të lëndëve narkotike në Portin e Durrësit. Policia Kufitare ne bashkëpunim me Seksionin Kundër Narkotikëve kanë parandaluar dhe goditur tentativën për të trafikuar lendë narkotike drejt Italisë. Shërbimet e Policisë Kufitare në bashkëpunim me Efektivet e Seksionit për Hetimin e Narkotikëve, pas dyshimeve se në mjetin tip kamion kishte lëndë narkotike, për verifikim më të hollësishëm e kontrollojnë në Skaner. Në përfundim u konkludua një sasi lënde narkotike e dyshuar e llojit Cannabis Sattiva. Lënda ishte e ngarkuar në një kamion, e ambalazhuar në arka. Specialistët po punojnë për peshimin e lëndës narkotike, identifikimin dhe kapjen e autorëve të përfshirë në këtë rrjet kriminal.
