Një duel mes dy skuadrave në krizë totale. Të paktën njëra prej tyre fiton dhe merr frymë lirisht teksa Teuta arriti të fitonte duelin ndaj Dinamos 1-0 në “Elbasan Arena”.
Me Jahmir Hykën titullar, ekipi durrsak e nisi më mirë takimin duke gjetur rrjetën që në minutën e 11’ me Emilinao Vilën, një gol që do të rezultojë deçiziv deri në fund të ndeshjes.
Sfida bëhet e egër dhe ka ndëshkime me kartona nga të dyja krahët teksa Teuta mund të kishte mbyllur ndeshjen me Hebajn në 23’ që humb një rast të artë.
Dinamo në fakt bën lojën ndërsa vendasit tërhiqen me pjesën e parë që mbyllet 1-0.
Fraksioni i dytë i lojës nis më mirë për Dinamon që me Ibraimin tregohen të rrezikshëm edhe pse nuk janë konkretë para portës.
Gjithsesi Teuta krijon disa raste të rrezikshme për të mbyllur ndeshjen përmes kundërsulmeve por është e pafat e gjithsesi merr në fund fitoren minimale 1-0 që e largon nga zona e ftohtë ndërsa Dinamo është tashmë shumë keq dhe rrezikon seriozisht rikthimin një kategori më poshtë.
