Kryeministrja e Britanisë së Madhe, Theresa May, u ka thënë ministrit të Jashtëm, Boris Johnson dhe ministres së Brendshme, Amber Rudd, që menjëherë t’i kontaktojnë homologët e vet amerikanë rreth vendimit të presidentit Donald Trump për t’ua ndaluar hyrjen në SHBA qytetarëve nga shtatë vende me shumicë myslimane.
Johnson dhe Rudd do deklarohen rreth urdhrit ekzekutiv të Trump-it për t’ua ndalur hyrjen refugjatëve dhe mbajtësve të vizave nga shtatë vende me shumicë myslimane, për 90 ditë.
Më parë, Johnson shkroi në rrjetin social “Twitter” se është gabim dhe përçarëse t’i damkosesh njerëzit në bazë të kombësisë.
May është kritikuar ashpër për shkak se nuk e ka dënuar urdhrin ekzekutiv të Trump-it.
