Ndarja e bujshme Alvisa-Bashkim ishte ndër më të përfolurat në rrjete sociale dhe Bashkimi, përpos postit në Instagram vendosi pikat mbi i për këtë çështje në D-Night.
Publiku i deshi aq shumë t’i shikonte bashkë, saqë dolën edhe çift nga Për’puthen, sidomos me iniciativën e Alvisës, e cila pas situatave që kaloi me ish të dashurin e saj, u rikthye për Bashkimin.
Por, marrëdhënia e tyre nuk shkoi aq mjaltë dhe vendosën të dy t’i jepnin fund.
Dajana: Tani që nuk je më me të, çfarë nuk të pëlqen të Alvisa?
Bashkim: E njejta gjë edhe kur kam qenë me të që nuk më ka pëlqyer. E kishte zërin acarues pak kur bërtiste kur ne ziheshim dhe disa gjëra të vogla. Unë e rrespektoj për atë që kemi pasur.
Dajana: Arsyeja e ndarjes cila ka qenë? Pse nuk zgjati më shumë kjo lidhje? Pse kaq rrugë e shkurtër?
Bashkimi: Kjo është një pyetje që mbase ia bëjmë edhe vetes, por që jo çdo njeri që takon ndoshta është personi i duhur për tërë jetën. Njerëzit e kanë parë në televizion dhe kanë qenë pjesë e historisë tonë dhe kanë pasur pritshmëri të larta dhe i kuptoj, por nuk na eci. Në disa gjëra që nuk Përputhesh më mirë është të ndahesh më herët dhe për ata që thonë se ka qenë lojë, unë më mirë e kisha të luaja jashtë sesa brenda. Nuk dua të bëj lojë dhe nuk kam bërë.
Dajana: Ka qenë dëshirë e jotja apo e Alvisës për t’u ndarë?
Bashkimi: Ka qenë e dyanshme, kështu e kemi diskutuar sëbashku.
Dajana: E ke ndjerë mungesën e saj në këto momente që nuk jeni bashkë?
Bashkimi: Unë do t’a rrespektoj për atë që kemi pasur dhe gjatë programit kemi kaluar shumë gjëra që ndoshta nuk do t’i kaloj kurrë në jetë. Më mungon se është njeri i mirë normalisht, por i uroj të gjitha të mirat.
