Gjykata e Apelit të Tiranës ka lënë në burg noteren Rezarta Koçi e arrestuar më parë nga policia për vjedhje duke shpëruar detyrën.
Vendimi u dha këtë të Enjte pas apelimit të masës arrest me burg nga noterja, që shkalla e parë caktoi ndaj saj më 5 Shkurt.
Hetimet kishin nisur pasi 4 kallëzimeve që ishin bërë nga qytetarë te ndryshëm ndaj noteres, por sipas informacioneve ajo është arrestuar vetëm për një prej tyre, ku ishte kallëzuar për mashtrim në Mars 2021.
Nga hetimet ka rezultuar se noterja 40 vjeçare, gjatë kohës që përgatiste dokumentacionin, nuk hapte llogari të ngrirë bankare për transferimin e parave nga pala blerëse tek ajo shitëse, por në kundërshtim me ligjin përdorte llogarinë e saj personale.
Mashtrimet e Koçit u zbuluan nga qytetarët që ishin pala shitëse, pasi nuk merrnin asnjë shumë lekësh edhe pse certifikata e shtëpisë apo biznesit që shisnin kalonte në emër të palës blerëse.
Sipas hetimeve, klientët e saj Koçi i mashtronte duke i thënë se do ti kalonte nga dita në ditë. Referuar kallëzimeve numri i qytetarëve te mashtruar nga noteria është mjaft i lartë, ku shumat që ajo ka përvetësuar kapin vlera te majme. 40-vjeçarja do hetohet për, “Shpërdorim detyre” dhe “Vjedhja e kryer duke shpërdoruar detyrën”.
Disa muaj më parë, në zonën e “Komunës së Parisit”, asaj iu vendos një sasi tritoli tek makina e saj “Range Rover” që ishte e parkuar, poshtë banesese. Kjo ngjarje është ende e pazbardhur.
