Kategoria Superiore sapo ka mbyllur javën e 20-të të saj dhe është koha për bilance sezonale që mund të tregojnë se si kanë bërë skuadra në krahasim me vitin e kaluar. Një renditje që tregon se ka një përmbysje të madhe për shumë prej ekipeve në garë në këtë edicion.
Padyshim skuadra me ndryshimin më të madh është Tirana, e cila nga 26 pikët e edicionit të kaluar pas 20 javësh, ka kaluar në 46 pikë, me një diferencë pozitive prej 20 pikësh që tregojnë më së miri ndryshimin e plotë të kursit të ekipit të Orges Shehit në këtë edicion.
Skuadra e dytë që ka bërë një kthesë të rëndësishme është Kukësi, me 8 pikë më shumë se një vit më parë. Ndërsa Laçi duket skuadra e vetme me stabilitet, pasi ka një luhatje të vogël, edhe pse këtë edicion ka bërë më mirë me 4 pikë më shumë deri tani. Ndërkaq, edhe Skënderbeu ka bërë më mirë, me 3 pikë më shumë se një edicion më parë, por përsëri i përfshirë në luftën për mbijetesë.
