Deputeti Edi Paloka, anëtar i Komisionit të Rithemelimit, përmes një postimi në rrjetet sociale, shkruan se Lulzim Basha ka braktisur kandidatët e tij në zgjedhjet e pjesshme të 6 marsit.
Paloka shkruan se Basha as nuk i prezantoi dhe as nuk i del në krah asnjërit prej tyre. Për deputetin shkaku se Basha i ka braktisur është fakti se ai e di që rezultati që do të marrin këta kandidatë do të jetë turpërues dhe si gjithmonë do të shmangë përgjegjësinë për humbjen e rradhës.
“Pse L.B i ka braktisur kandidatët e tij?
Pse as nuk i prezantoi e as nuk ju del në krah asnjërit prej tyre?!
Si mund të besojnë se do të marrin votat e demokratëve, kandidatët e L.B , kur i pari që i ka braktisur është pikërisht L.B ?
Arsyeja është e qartë në fakt: L.B e di se rezultati i të emëruarve prej tij do të jetë turpërues dhe si gjithmonë, kërkon të shmangë përgjegjësinë e tij për humbjen e rradhës për të dalë më pas e për të deklaruar: ”Beteja jonë sapo ka filluar”!
Për fat të keq “betejat” e L.B tani janë vetëm për të fuqizuar në pushtet Edvin Ramën”, shkruan Paloka.
