Ish-Kryeministri sali Berisha ka reaguar në rrjetet sociale lidhur me manipulimin që i janë bërë deklaratave të tij, gjatë një takimi që pati në Durrës me qytetarët, në kuadrin e zgjedhjeve të 6 marsit.
E ndërsa ka shprehur kritika të forta në drejtim të Vangjush Dakos, të cilin e akuzoi se kishte si prioritet shitjen e betonit, duke shkatërruar qytetin, në median e Irfan Hysenbelliut kjo deklaratë është deformuar, duke paraqitur sikur ish-Kryeministri ka shprehur vlerësime për Gjushin.
Kjo ka sjellë edhe reagimin e Berishës, i cili e konsideron Hysenbelliun një kapter të Taulant Ballës, që mashtron opinionin publik për llogari të njeriut që gënjen edhe kur fle, duke pasur parasysh këtu Lulzim Bashën.
“Të specializuar për manipulim provash dhe gënjeshtrash, ja si mashtron opinionin për llogari të njeriut që gënjen dhe kur fle, Irfan Hysenbelliu, kapterri i Taulant Ballës që financion mediat me paratë e inceneratorëve”, shkruan Berisha.
