Deputetja e komunitetit boshnjak, Duda Balje, ka treguar e ftuar në emisionin “Oxygen” se kur lindi fëmijën e parë, mjekët e pyetën nëse e dinte se kush ishte babai i foshnjes.
Duda, nënë e tre fëmijëve rrëfeu se djalin e madh, Berinin, e lindi kur ishte vetëm 17 vjeçe. Ajo tha se doktori e kishte pyetur nëse dihet babai i fëmijës së saj, pasi kishte parë moshën e saj shumë të re.
“Në spital, kam qenë unë dhe një vajzë rome edhe doktori kur ka hyrë në dhomë edhe ka shikuar nga unë duke thënë: ‘A e din ti kush është babai i fëmijës’, a ne si familje tipike nga Kosova, kanë qenë poshtë vjehrra, vjehrri, nëna, tezja – të gjithë kanë pritur para spitalit dhe unë i kam thënë doktorit: ‘Shiko jashtë ku është familja e bebes”– ka treguar Balje.
