Ish-Kryeministri Sali Berisha u shpreh se përballja më 6 mars është e madhe, pasi ne përballemi me narkoshtetin, përballemi me ata që nuk njohin votën, përballemi me të shkuarën, me arrogancën e një njeriu që ka trashëguar psikologjinë më të keqe të etërve të tij.
Gjatë fjalës së tij në prezantimin e kandidatit Premtim Kryemadhi, i cili garon në siglën e koalicionit “Shtëpia e Lirisë” në Dibër, Berisha tha se sot Edi Rama, Durrësit do ti heqë Portin, duke marrë në qerre edhe Lul bravën.
“Por a mund të merret një vendim të tillë pa marrë asnjë mendim të durrsakëve? Nga Vlora njoftojnë se ka ngritur sheshin e Flamurit, çfarë do të bëjë? Vetëm xhepat e tij e dinë, pasi asnjv vlonjat nuk e di.
Po edhe Dibra nuk është përjashtuar nga kjo. Në Dibër vendos pa pyetur fare banorët, të zhvendosë fshatra të tëra, të zhvendosë shkolla, teqe, varreza, xhami, të varrosë historinë e madhe të Dibrës, pa pyetur asnjë njeri. Që të përmbytet Dibra kjo nuk do të ndodhë kurrë”, tha Berisha, duke shprehur kundërshtitë e tij lidhur me projektin e Skavicës.
Ish-Kryeministri tha se kishte kundërshtuar edhe në vitin 2005 projektin e Skavicës, duke u shprehur se kurrë nuk do të pranojë që të përmbytej Dibra dhe të shpërnguleshin fshatrat.
Berisha tha se nuk është kundër ndërtimit të HEC-eve, por është kundër përmbytjeve të fshatrave. “Sot jemi në kohën e energjisë së erërave, apo solare, pra hajde të shtojmë prodhimin përmes burimeve të tjera, jo duke përmbytur Dibrën.
“Ai kandidati i Edi Ramës le të vijë dhe të japë llogari njëherë për Skavicën, ose të kthehet andej nga ka ardhur”, tha Berisha.
