Ndërsa Rusia bëhet gati që të sulmojë, Ukraina po mobilizohet me shpresën tek Perëndimi, për tu kundërpërgjigjur agresionit të mundshëm rus.
Mediat ndërkombëtare, referuar shërbimeve sekrete amerikane, kanë paralajmëruar se sulmi rus mbi Ukrainë mund të ndodhë të mërkurën, ndërkohë që shumë prej vendeve anëtare të NATO-s, i kanë drejtuar një apel shtetasve të tyre, që të lenë Ukrainën sa më parë.
Në vendin që rrezikohet nga pushtetimi rus, prej disa kohësh në qytete kanë filluar stërvitjet ku mijëra persona kanë dalë vullnetar për t’iu bashkuar ushtrisë ukrainase.
Në ushtrinë e Ukrainës ka edhe shumë shqiptarë. Një prej tyre është edhe ushtaraku me origjinë shqiptare Valera Pejkov. Valera mban gradën e oficerit në ushtrinë Ukrainase. Ndërkohë shqiptarët të cilët kanë emigruar vite më parë Ukrainë shprehen të gatshëm të mbrojnë vendin ku jetojnë.
Me Presidentin rus po zhvillohen bisedime intensive. Më parë u njoftua për një bisedë mes tij dhe Presidentit francez, Emmanuel Macron, ndërkohë që është paralajmëruar një tjetër bisedë mes Putin dhe Presidentit amerikan, Joe Biden. Duket se Perendimi po tenton një zgjidhje përmes bisedimeve me Putin, ndaj të cilit janë paralajmëruar shtime të sanksioneve nëse Rusia ndërmerr agresion ushtarak ndaj Ukrainës.
