Një 57-vjeçar i dënuar nga drejtësia italiane me 12 vite burg për veprimtari kriminale në fushën e narkotikëve është arrestuar në Durrës.
Ilir Plakut i kanë mbetur për të kryer edhe 2 vite e 4 muaj burg të vendosur nga Gjykata e Apelit të Cagliari-t.
Ai u arrestua nga shërbimet e policisë pas informacioneve të marra në rrugë operative për vendndodhjen e tij.
“Gjykata e Rrethit Gjyqësor Durrës ka vendosur njohjen e Vendimit penal të formës së prerë të Gjykatës së Apelit të Cagliarit e cila ka ndryshuar pjesërisht vendimin e datës 22.04.2008 të Gjykatës së hetimeve paraprake të Cagliarit duke e dënuar shtetasin Ilir Plaku me 12 vite burgim, për kryerjen e veprës penale ‘Trafikim i lëndëve narkotike’ parashikuar nga legjislacioni penal Italian. Shtetasit Ilir Plaku i mbeten për të vuajtur edhe 2 (dy) vite e 4 katër muaj burg”, thuhet në njoftimin e policisë.
