Gjysëmfinalja e “BBV” dhuroi për publikun një sërë surprizash dhe emocionesh të forta.
Mes lotësh Monika Lubonja dhe Arjola Demiri ndërprenë rrugëtimin e tyre në shtëpinë më të famshme në Shqipëri edhe pse shumë pranë finales.
“Nuk më vjen keq pasi ‘Top Channel’ ma realizoi ëndrrën. Atë finale e meriton absolotisht dikush që ka dhënë shumë për atë lojë dhe ka ditur të jetë lojtar’’– tha Arjola.
Arjola gjithashtu shprehet se nuk do të donte të ndryshonte asgjë në eksperiencën e saj.
“Është e vëshirë të jesh grua dhe nënë në nevojë. Unë doja të jepja historinë time për t’i thënë gravë që jam një prej jush. Unë nuk jam stratege, dhe e dija që nuk do ta fitoja dot’’- shtoi ajo.
Mes emocionesh Monika tregoi se pjesëmarrja në këtë rrugëtim ishte zgjedhja më e mirë e jetës së saj.
“Emocione, përjetime, lot, mërzitje dhe debate si në atë shtëpi nuk besoj se do përjetoj ndonjëherë në jetë. Jam kurioze sesi jam parë në publik, unë jam një Monikë emocionale dhe pasionante. Nuk i heq dot asgjë rrugëtimit tim’’- tha ajo.
Teksa u pyet që çmimin ta ndajë mes Ilirit dhe Donaldit ajo pas një suspance të gjatë vendosi që të veçojë Donaldin.
