Këngëtarja Anne-Marie, teksa po performonte live gjatë ceremonisë së ndarjes së çmimeve në “Brit Awards”, u rrëzua nga shkallët përpara një publiku prej 20,000 personash në “The O2 Arena”.
Këngëtarja e kaloi incidentin sikur nuk ndodhi asgjë dhe për asnjë moment nuk e ndaloi performancën, duke u ngritur sërish në këmbë. Zëri i saj u dridh teksa u rrëzua në dyshemenë e skenës, por si një profesioniste e vërtetë vazhdoi të këndonte.
“Nuk më duhej gjithsesi kyçi i këmbës së majtë”, shkroi ajo në një postim në “Twitter” pas incidentit, duke e marrë me sportivitet atë që i ndodhi.
https://www.youtube.com/watch?time_continue=22&v=vRSkGhb0QS4&feature=emb_logo
