Një hap fals që mund të kushtojë për Man. United. Skuadra e Rangnick u ndal në barazim 1-1 në transfertën me Burnley duke bërë një hap pas në Premier League.
Me Ronaldon në stol, “djajtë e kuq” luajtën mirë dhe dominuan me qarkullim teksa gjetën dhe golin me Paul Pogba. Mesfushori francez nuk shënonte që nga Janari i 2021 dhe sonte ishte në një formë të mirë.
Gjithsesi me të nisur pjesa e dytë, Rodriguez barazoi llogaritë në 47’ duke vënë në vështirësi miqtë që detyrohen të hedhin edhe Ronaldon në fushë në 60’.
As portugezi nuk mundi të bënte asgjë me sfidën që mbyllet 1-1, rezultat që ngadalëson luftën e Man. United për vendin e katërt.
