Presidenti i Sheteteve të Bashkuara të Amerikës, Barack Obama, ka deklaruar se do ta luftojnë ISIS në mënyrë agresive.
“Shtetet e Bashkuara mund ta mposhtin ISIS dhe ky për ne është prioriteti kryesor”, ka thënë Barack Obama, gjatë një konference të përbashkët për shtyp me Presidentin e Argjentinës në Buenos Aires. Bota duhet të qëndrojë së bashku për të luftuar terrorizmin, ka shtuar Obama duke theksuar se bllokimi i financimit të terrorizmit duhet të jetë hapi i parë.
Lidhur me bombardimet në Bruksel Obama tha se SHBA do të ofrojë çdo ndihmë të nevojshme.
Pak para se të niste konferenca për shtyp, Obama u prit nga Presidenti argjentinas, Mauricio Macri, në selinë e presidencës, në frontin e Plaza de Mayo, në zemër të Buenos Aires.
Obama dhe familja e tij kanë kaluar natën në rezidencën e ambasadorit të SHBA-së në vizitën e parë në Argjentinë. Presidenti mësohet të ketë shëtitur nëpër qytet, i rrethuar nga masat e sigurisë dhe i shoqëruar nga një eskord mbresëlënëse të automjeteve dhe policisë.
