Drejtori i Përgjithshëm i Policisë së Shtetit, Haki Çako, ka vendosur të lëvizë disa shefa komisariatesh në vend.
Emërtime të reja janë bërë ditën e sotme, kryesisht në policinë e Korçës, ku janë ndryshuar shefat e 3 komisariateve të këtij qarku.
Arjan Dumi është emëruar shef i Komisariatit të Policisë së Korçës.
Erjon Bica ka marrë detyrën e shefit në Komisariatin e Policisë së Ersekës. Kurse Zija Sulja është bërë shefi i Komisariatit të Devollit.
Kurse në komisariatin e policisë së Pogradecit dhe të postës së Maliqit nuk ka pasur ndryshime.
