Merkato e Janarit u mbyll me disa goditje në ditën e fundit. Ndodh shpesh që për të mos djegur një goditje në merkato të orës së fundit të bëhen edhe gafa siç ka ndodhur me Tottenham që bleu dy lojtarë nga Juventusi.
Njëri prej tyre është Rodrigo Bentacur, mesfushori uruguaian i cili rrezikoi të mos transferohej për një gafë amatore në fakt nga ana e Spursave.
Siç raportojnë mediat, Tottenham kishte dërguar kontratën në rregull për t’u firmosur nga lojtari por në fakt aty rezultoi emri i një tjetër lojtari, Luis Diaz.
Sulmuesi kolumbian i Portos u transferua në ditën e fundit të merkatos por jo te Tottenham që siç duket ka qenë në negociata dhe kishte bërë gati kontratën e gjithsesi në fund ai kaloi në radhët e Liverpool.
Më pas ajo kontratë iu dërgua gabimisht edhe Bentacur që para syve i doli emri i Dias por falë dhe ndërhyrjes së shpejtë nga të dyja palët, gabimi u korrigjua dhe lojtari u transferua me sukses te Conte.
