Enriko Papa është duke kaluar një moment të shkëlqyer në kampionatin rumun me fanellën e Botoshanit. Mesfushori, i cili në të kaluarën ka qenë pjesë e Tiranës, Bylisit, Teutës dhe Lushnjës në futbollin shqiptar, është graduar kapiten te Botoshani dhe është padyshim lider i rumunëve.
Ditët e fundit, Papa ka zgjuar interesin e drejtuesve të klubit prestigjioz Steaua Bukuresht (FCSB) Sipas mediave vendase, shqiptari është një preferencë e presidentit Xhixhi Bekali, por duket se raportet aspak pozitive mes dy klubeve, Botoshanit dhe Steauas (FCSB), janë një pengesë e madhe për këtë transferim.
Shkak është bërë një negociatë sezone më parë, ku drejtuesit e Botoshanit, janë ndjerë të mashtruar nga presidenti Bekali dhe po bëjnë çmos për të mos e lejuar Papën që të bashkohet me Steauan (FSCB). Këta të fundit duhet të paguajnë 400 mijë euro + vlerën e Papës, për të arritur te mesfushori shqiptar.
