Presidenti Ilir Meta tha në Çim Peka Live në Syri Tv se po atakohet politikisht nga kryeministri Edi Rama dhe mazhoranca.
Kreu i shtetit u shpreh se ai po të bënte kompromis me Edi Ramën do të konsiderohej si presidenti më i mirë në histori.
Meta tha ai është i lidhur me popullin dhe Kushtetutën, e jo me pakte e kompromise.
“I kam dhënë provat që unë ngjitem në majat më të larta. Majat e politikës ngjiten më kollaj se majat e maleve nëse je i ndershëm dhe i sinqertë me popullin tënd.
Ilir Meta mund të bënte një kompromis me Edi Ramën dhe do ishte Presidenti më i mirë, që ka pasur historia.
Por, Ilir Meta është i lidhur me popullin shqiptar, është i lidhur me Kushtetutën. Nëse ka njëri që do të niset drejt një majë do arrijë atje ai, jam Unë! Unë i kam fituar disa beteja me Kuvendin, dhe me disa ndërkombëtarë në Venecia dhe të gjitha betejat i kam fituar.
Nuk është çështja më e rëndësishme shkarkimi i Presidentit të Republikës, e cila duhet të shqyrtohet me urgjencë nga Gjykata Kushtetuese. Është më e rëndësishme që Gjykata të jepte një vendim të drejtë për zgjedhjet bashkiake, nga e cila preken 3 milionë shqiptarë”., tha Meta.
