“U shokova kur mësova se vajzën time kishte tentuar ta përdhunonte pronari”. Kështu deklaroi babai i 18-vjeçares, e cila ditë më parë përjetoi çaste tmerri, pasi pronari i saj tentoi ta përdhunonte.
I ftuar në emisionin me “Zemër të hapur” në “News 24” babai i adoleshentes pohoi se e kishte mësuar ngjarjen mbrëmjen e së dielës.
“E kam mësuar në darkë, të dielën, ne oren 22:30. Më tha vajza e vogël. Kur ma tha u shokova. Fola me shoqen e tyre nga Berati. Më tha: ‘Xhaxhi Genti, Nina ka qenë në punë dhe ka tentuar ta përdhunojë një person’. U shokova. Fola sërish në telefon, të nesërmen shkova në Tiranë. Falenderoj Zotin që ishte me aq. Falenderoj publikisht dhe ish-bashkëshorten, pasi i ka ndenjur afër vajzës. Në të dy, pavarësisht se jemi të ndarë, s’na mungon dashuria për vajzën.”, tha babai i vajzës.
