Varianti Omicron i Covid-19 po dominon kudo në Botë, ndërsa ai konsiderohet më shumë përhapës, por nuk shfaq rrezikshmërinë që ka pasur varianti Delta.
Por në dallim nga variantet e mëparshme, Omicron prek edhe fëmijët, te të cilët shfaq simptoma të ndryshme, krahasuar me moshat e rritura.
Sipas studimeve të deritanishme, të publikuara, simptomat kryesore tek fëmijët e prekur nga varianti Omicron shfaqen me probleme në stomak.
Një spital pediatrik në Gjermani konfirmoi se koha e qëndrimit në spital për fëmijët është reduktuar dhe asnjeri prej tyre nuk ka pasur probleme me frymëmarrjen.
Simptoma të ndryshme që duhen trajtuar në mënyra të ndryshme: në spitalin pediatrik në Bon të Gjermanisë, fëmijët e shtruar për shkak të infektimit me Covid, me variantin omikron, prezantojnë një kuadër klinik të paprecedentë.
Mjekët gjermanë shpjegojnë se ky virus shkakton kryesisht probleme me stomakun apo patologji të përgjithshme.
Fëmijët duket sikur kanë një helmim, kanë dhimbje dhe kanë nevojë për transfuzion.
Patologjitë më të rënda me frymëmarrjen që regjistroheshin gjatë valës së parë të Covid, me fëmijët të cilët qëndronin me javë në terapi intensive, nuk ekzistojnë më.
Rreth 20% e 5 milion e 300 mijë fëmijëve të moshës nga 5 – 11 vjeç janë vaksinuar të paktën me një dozë, dhe rreth 60% e adoleshentëve deri në 17 vjeç me të dy dozat.
