Deputetja demokrate Ina Zhupa përmes një postimi në rrjetet sociale i ka kërkuar qytetarëve që të ndëshkojnë me votë korrupsionin qeveritar dhe varfërimin e tyre.
“Qytetarët paguajnë 50 mijë lekë më shumë në muaj, ndaj modelin e varfërisë ta ndëshkojmë me votë”, shkruan Zhupa, e cila është rrjeshtuar në krah të Lulzim Bashës dhe mbështet në zgjedhjet e 6 marsit kandidatët për kryebashkiak që garojnë në siglën e PD.
Zhupa shkruan se çdo produkt ka pësuar rritje nga 100 lek në 1000 lek të vjetra!
“Buka është rritur me 100 lek, Vaji për gatim me 300 lekë, 10 kokrra vezë me 300 lekë, orizi me 300 lekë, sheqer me 300 lekë, bulmeti nga 100-500 lekë, gazi për shtëpi me 400 lekë, frutat dhe perimet nga 500-1000 lekë, mishi me 1000 lek dhe Transporti, sipas cmimeve të karburateve nga 500-1000 lek me shumë.
Por shqiptarët skanë nevojë për statistika për ta ditur që i kanë xhepat më bosh, kostoja e jetesës është rritur dhe pagat e tyre janë më ultat në Europë.
Me këtë qeverisje të korruptuar dhe që nuk mendon për qytetarët, Shqipëria nuk mund të ketë zhvillim. Të gjithë bashkë duhet të përshpejtojmë largimin sa më parë! 6 Bashki kanë rastin të tregojnë në zgjedhjet lokale refuzimin për këtë model që varfëron dhe nuk pyet për qytetarët”, shkruan Zhupa.
