Personi i cili u gjet i pajetë brenda makinës në rrugën U gjet i djegur në makinë është identifikuar si Armand Mici, 32 vjeç, dhe është vetëdjegur me benzene. Ky është përfundimi i hetimit paraprak të grupit hetimor.
Burime zyrtare nga policia sqaruan se rreth orës 22:30 të së Premtes, në vendin e quajtur “Kryqi” në rrugën e vjetër Elbasan – Krrabë, është djegur një automjet tip “VolksWagen” në brendësi të së cilës u gjet një person i pa jetë.
Pas marrjes së njoftimit, në vendin e ngjarjes ka shkuar grupi hetimor i cili ka nisur kryerjen e veprimeve hetimore nën drejtimin e prokurorëve të Prokurorisë së Rrethit Gjyqësor Elbasan për sqarimin e rrethanave të ngjarjes.
Nga veprimet hetimore të kryera është identifikuar viktima i cili është Armand Mici 32 vjeç, lindur e banues në Elbasan, i pa dënuar.
Gjithashtu nga tërësia e veprimeve hetimore të kryera, është mundësuar të dokumentohet se ky shtetas, dyshohet se nën efektin e depresionit ka blerë një sasi lënde djegëse benzinë në një pikë karburanti dhe ka realizuar vetvrasjen nëpërmjet vetëdjegies në brendësi të automjetit të tij tip Volksëagen Passat me targa AA 273 NU.
Nga grupi hetimor vazhdon kryerja e veprimeve të mëtejshme hetimore për sqarimin e çdo rrethane që i shërben hetimit, shtuan të njëjtat burime.
