Policia e Fierit ka arrestuar një 43 vjeçar nga Levani i Fierit pasi dhunonte fëmijët dhe gruan e tij.
Sipas njoftimit të policisë Arti Baka, një kryefamiljar përveç dhunë së vazhdueshme ndaj të vegjëlve dhe bashkëshortes, dhunonte edhe veten e tij: Disa herë ka tentuar të presë damarët ose të pijë fotoksinë.
Policia e Fierit e ka arrestuar me akuzën e “shkaktimit të vetëvrasjes” dhe “dhunës në familje”, por nuk ka njoftuar nëse Baka për këto sjellje duhet t’i nënshtrohej një kontrolli mjekësor, fizik dhe mendor.
DEKLARATA E PLOTË E POLICISË
Dhunon fizikisht dhe psikologjikisht bashkëshorten e tij, arrestohet në flagrancë nga policia.
Specialsitët për Hetimin e Krimeve në Komisariatin e Policisë Fier, arrestuan në flagrancë shtetasin:
Arti Baka, 43 vjeç, banues në Levan, Fier.
Arrestimi i këtij shtetasi u bë pasi bashkëshortja e tij shtetasja F.B, 29 vjeçe, kallëzon se bashkëshorti i saj në mënyrë të vazhdueshme ushtron dhunë fizike dhe psikologjike ndaj saj në prezencë të fëmijëve dhe në disa raste ka tentuar të presë damarët e dorës e të pijë fotoksinë.
Materialet i kaluan Prokurorisë pranë Gjykatës së Shkallës së Parë Fier për veprat penale “Shkaktimi i vetëvrasjes i mbetur në tentativë” dhe “Dhunë në familje” parashikuar nga Nenet 99 e 22 dhe 130/a/4 të Kodit Penal.
