Ylli i muzikës botërore, Dua Lipa, përmes një videomesazhi drejtuar të gjithë të rinjve shqiptarë në ceremoninë hapëse të eventeve të “Tirana European Youth Capital 2022”, ka premtuar një tjetër vizitë në Tiranë.
“Jam shumë e lumtur të jem pjesë e festës tuaj të madhe që do të zgjasë në të gjithë vitin në Tiranë, Kryeqyteti Europian i Rinisë.
Tirana mban një vend special në zemrën time, jo vetëm prej rrënjëve të mia shqiptare, por gjithashtu dhe për atmosferën pozitive dhe energjinë e mrekullueshme. Tirana është si një shtëpi për mua dhe dua që e gjithë bota ta dijë. Kjo është një mundësi e mirë për t’i treguar Europës talentin dhe potencialin e rinisë shqiptare.
Mezi pres të jem aty me ju me miqtë e mi dhe të bashkohemi në festën tuaj por deri atëherë ju dërgoj shumë puthje” thotë dua Lipa ndër të tjera në videomesazhin e saj.
