Deputetë të Komisionit të Rithemelimit iu bashkuan protestën së banorëve të Paskuqanit, 5 Majit dhe Laprakës, të cilët kundërshtojnë shembjen e banesave të tyre.
Deputeti Flamur Noka tha se Qeveria i ka afruar bonus sa për të marrë me qira një dhomë dhe jo një shtëpi, ndërsa për kompensimet i ofrohen shuma qesharake me të cilat mund të blihet jo një shtëpi, por një banjë.
“Pse u devijua projekti në Paskuqan? Le të vijë Elisa Spiropali dhe të na thotë. Por u spostua sepse ka dalë ndonjë Kapllan Pallat tjetër, ashtu si ai i 5 Majit. Këto po i vendosin shkelmin në fyt qytetarëve, po i hedhin në lumin e Tiranës, a thua se nuk janë qenie njerëzore. Nuk mund të veprohet “vidh dhe urbanizo” këtë mund ta bëjnë vetëm regjimet kriminale, si ky i Edi Ramës. Do të marrim nisma ligjore për të mbrojtur interesat e qytetarëve”, tha Noka.
Sipas tij, ka netë të tëra që banorët e këtyre zonave po e kalojnë natën me plasmas, po traumatizohen fëmijët, të cilët po shohin se si fadromat po i shembin banesat.
