Ish-boksierët e famshëm dhe njëherësh vëllezërit ukrainas Vladimir dhe Vitali Kliçko, të cilët i janë bashkuar ushtrisë ukrainase, kanë deklaruar se të gjithë duhet të marrin armët në duar për të mbrojtur vendin. Ky veprim i Vladimir Kliçko vjen pas atij të vëllait të tij Vitali.
“Përpara se armiqtë tanë të sulmojnë Ukrainën, ata duhet të shohin se ne jemi të fortë, ata duhet të shohin se sa të fortë do të jemi, do të jetë një çmim shumë i dhimbshëm për të gjithë”, tha Vitali Kliçko për CNBC në Kiev të mërkurën.
Ai tha se mbështetja financiare dhe politike, si dhe mbështetja në formën e pajisjeve ushtarake dhe armëve, e bën Ukrainën më të fortë. Ndërsa shtoi se shpreson që diplomatët si në Ukrainë ashtu edhe gjetkë mund ta “ndalojnë këtë agresion. Nëse jo, atëherë duhet të përgatitemi për të marrë armët në duar”, tha ish-boksieri kampion bote.
Ndërkaq, vëllai i Vitalit, Vladimir Kliçko, një tjetër ish-boksier tani e cilëson veten si aktivist, tha sot se Perëndimi duhet të jetë i vetëdijshëm për të treguar gatishmëri kur bëhet fjalë për trajtimin e krizave gjeopolitike si armiqësia aktuale midis Ukrainës dhe Rusisë.
