Einxhel Shkira dhe Donald Veshaj kanë pasur një debat shumë të fortë mbrëmjen e djeshme, ku treguan detaje nga sherri që kanë pasur me njëri-tjetrin jashtë shtëpisë së “Big Brother VIP”.
Moderatorja dhe aktori kanë punuar bashkë për një projekt dhe duket se gjërat mes tyre nuk kanë shkuar aspak mirë.
Einxhel e akuzoi Donaldin dhe të vëllain e tij, Romeon, se e kanë hequr nga puna padrejtësisht e madje shtoi se nuk i ka dhënë lekët.
Einxhel nuk la pa përmendur edhe aktoren Mariana Kondi e cila ka bashkëpunuar gjithashtu me dyshen në projektin në fjalë. Einxhel zbuloi se vëllezërit binjak nuk i kanë dhënë lekët as Mariana Kondit.
“Juve më hoqët nga puna, kur unë bëra aksident, se s’kishit as lek të më paguanit dhe as më paguajtët, kam dokumentet, të gjitha. Nuk keni paguar as Marjana Kondin.
Ti ke zero disiplinë pune. Më linit të pres gjithë ditën për xhirimet, ndërkohë ti po flije.”- tha Einxhel ndër të tjera, akuza që Donaldi i mohoi.
Mariana ka reaguar përmes një postimi në “Instastory” ku shkruan: “Pa fjalë”, duke mos dhënë më tepër detaje.
