SPAK ka nisur hetimet ndaj Dritan Agollit, kreu i Fondit Shqiptar të Zhvillimit, ndërsa shkak është bërë një tenderme vlerën e 400 mijë dollarëve, ku fitues është bërë kompania ku aksioner kryesor është kuzhinieri i famshëm Alfio Rrotani.
Por, Alfio Rrotani ka punuar me Flladi Agollin, djali i kreut të FSHZH-së, në restorantin e tij në Hamallaj i regjistruar me emrin “Beach Bedoun Bar”.
Faqja zyrtare e restorantit ka ndarë në rrjetet sociale foto ku Alfio shfaqet me gatime, që janë specialitet i këtij restoranti dhe me uniformën e shefit ku anash shkruhet edhe emri i tij.
Por, pas nisjes së hetimeve dhe publikimit të fakteve, fotot janë fshirë nga faqja zyrtare e restorantit.
Firma fituese e tenderit në pronësi të Rrotanit është regjistruar si “Mascarpone” dhe është një bar restorant i njohur me emrin “Kripë dhe Piper” që ndodhet përballë godinës së Fondit Shqiptar të Zhvillimit në rrugën Sami Frashëri në kryeqytet. Ky ambient frekuentohet nga zyrtarë të niveleve të ndryshme që punojnë në FSHZH.
Lexo edhe:
Tenderi 400 mijë dollarë, nën hetim kreu i FSHZH, Dritan Agolli
